కిటికీ రెక్కల చప్పుడు

నువ్వు లేవు
నిద్ర రాదు
నిశీధికి అర్ధంలేకుండా పోతోంది
నీరవాన్ని ఎంత తాగను
కాలాన్ని కాస్త కత్తిరంచాలనుంది
కనీసం టైమ్ మెషీన్ ఉన్నా
నువ్వుండే క్షణానికి ఎగిరొద్దును
వెనక్కో.. ముందుకో..
నాకదే వర్తమానం
ఏం తోచక వెన్నెళ్లోకెళ్దామంటే..
కృష్ణపక్షం వెక్కిరిస్తోంది 
కిటికీరెక్కలు తెరిచే ఉంచా
గాలితో నీ స్పర్శని పంపిస్తావని

(12-11-2015 ఫేస్బుక్ పోస్ట్)