బిగ్ బ్యాంగ్

విశృంఖలత్వమే విశ్వసృష్టికి నాంది

బిగ్ బ్యాంగ్ మహాస్ఖలనంలో

విరగపండిన వినువలయమిది

సంకెళ్లేసి భంగపడతావెందుకు..

భూమిని గుండ్రని బంతిగా చేసి

ఆడుకునే ఆటలు నావి

బల్లపరుపు ఆలోచనపై

బజ్జోమనడం నీ నైజం

నింగికి నమస్కారం 

నీకు తన్మయత్వం

అంతరిక్షపు అంచుల్లో

నాట్యం నా నిత్యకృత్యం

అవనిపై జీవం పెరిగితే

అది పాపభారం నీకు

అంగారకుడిలోనూ ఆక్షిజన్ వెతకడం

ఆనందం నాకు

విలువల్లో వికాసం చూస్తావు నువ్వు

వలువల్ని కూడా ఎడంకాలితో తంతాన్నేను

కుత్తుకలు కత్తిరించే కుట్రలు నీవి

శృంఖలాలు తెంచే గండ్రగొడ్డలి నేను

నువ్వు సనాతనం

నేను నిత్య నూతనం

(ఏడాది కిందెప్పుడో ఫేస్బుక్ లో రాసుకున్నది)